سُوْرَةُ المُطَفِّفِيْنَ

Al-Mutaffifin

سورت 83آیات 36 مقام نزول مکیپارہ 30–30

آیت پر جائیں

بِسۡمِ ٱللَّهِ ٱلرَّحۡمَٰنِ ٱلرَّحِيمِ

وَيۡلࣱ لِّلۡمُطَفِّفِينَ

ترجمہ معنیتباہی ہے ڈنڈی مارنے والوں کے لیے

ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ

ترجمہ معنیجن کا حال یہ ہے کہ جب لوگوں سے لیتے ہیں تو پورا پورا لیتے ہیں

وَإِذَا كَالُوهُمۡ أَو وَّزَنُوهُمۡ يُخۡسِرُونَ

ترجمہ معنیاور جب ان کو ناپ کر یا تول کر دیتے ہیں تو انہیں گھاٹا دیتے ہیں

أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ

ترجمہ معنیکیا یہ لوگ نہیں سمجھتے کہ ایک بڑے دن،

لِيَوۡمٍ عَظِيمࣲ‏

ترجمہ معنییہ اٹھا کر لائے جانے والے ہیں؟

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ

ترجمہ معنیاُس دن جبکہ سب لوگ رب العالمین کے سامنے کھڑے ہوں گے

كَلَّآ إِنَّ كِتَٰبَ ٱلۡفُجَّارِ لَفِي سِجِّينࣲ‏

ترجمہ معنیہرگز نہیں، یقیناً بد کاروں کا نامہ اعمال قید خانے کے دفتر میں ہے

وَمَآ أَدۡرَىٰكَ مَا سِجِّينࣱ‏

ترجمہ معنیاور تمہیں کیا معلوم کہ وہ قید خانے کا دفتر کیا ہے؟

كِتَٰبࣱ مَّرۡقُومࣱ‏

ترجمہ معنیایک کتاب ہے لکھی ہوئی

وَيۡلࣱ يَوۡمَئِذࣲ لِّلۡمُكَذِّبِينَ

ترجمہ معنیتباہی ہے اُس روز جھٹلانے والوں کے لیے

ٱلَّذِينَ يُكَذِّبُونَ بِيَوۡمِ ٱلدِّينِ

ترجمہ معنیجو روز جزا کو جھٹلاتے ہیں

وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ

ترجمہ معنیاور اُسے نہیں جھٹلاتا مگر ہر وہ شخص جو حد سے گزر جانے والا بد عمل ہے

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ

ترجمہ معنیاُسے جب ہماری آیات سنائی جاتی ہیں تو کہتا ہے یہ تو اگلے وقتوں کی کہانیاں ہیں

كَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ

ترجمہ معنیہرگز نہیں، بلکہ دراصل اِن لوگوں کے دلوں پر اِن کے برے اعمال کا زنگ چڑھ گیا ہے

كَلَّآ إِنَّهُمۡ عَن رَّبِّهِمۡ يَوۡمَئِذࣲ لَّمَحۡجُوبُونَ

ترجمہ معنیہرگز نہیں، بالیقین اُس روز یہ اپنے رب کی دید سے محروم رکھے جائیں گے

ثُمَّ إِنَّهُمۡ لَصَالُواْ ٱلۡجَحِيمِ

ترجمہ معنیپھر یہ جہنم میں جا پڑیں گے

ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ

ترجمہ معنیپھر اِن سے کہا جائے گا کہ یہ وہی چیز ہے جسے تم جھٹلایا کرتے تھے

كَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ

ترجمہ معنیہرگز نہیں، بے شک نیک آدمیوں کا نامہ اعمال بلند پایہ لوگوں کے دفتر میں ہے

وَمَآ أَدۡرَىٰكَ مَا عِلِّيُّونَ

ترجمہ معنیاور تمہیں کیا خبر کہ کیا ہے وہ بلند پایہ لوگوں کا دفتر؟

كِتَٰبࣱ مَّرۡقُومࣱ‏

ترجمہ معنیایک لکھی ہوئی کتاب ہے

يَشۡهَدُهُ ٱلۡمُقَرَّبُونَ

ترجمہ معنیجس کی نگہداشت مقرب فرشتے کرتے ہیں

إِنَّ ٱلۡأَبۡرَارَ لَفِي نَعِيمٍ

ترجمہ معنیبے شک نیک لوگ بڑے مزے میں ہوں گے

عَلَى ٱلۡأَرَآئِكِ يَنظُرُونَ

ترجمہ معنیاونچی مسندوں پر بیٹھے نظارے کر رہے ہوں گے

تَعۡرِفُ فِي وُجُوهِهِمۡ نَضۡرَةَ ٱلنَّعِيمِ

ترجمہ معنیان کے چہروں پر تم خوشحالی کی رونق محسوس کرو گے

يُسۡقَوۡنَ مِن رَّحِيقࣲ مَّخۡتُومٍ

ترجمہ معنیان کو نفیس ترین سر بند شراب پلائی جائے گی جس پر مشک کی مہر لگی ہوگی

خِتَٰمُهُۥ مِسۡكࣱۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ

ترجمہ معنیجو لوگ دوسروں پر بازی لے جانا چاہتے ہوں وہ اِس چیز کو حاصل کرنے میں بازی لے جانے کی کوشش کریں

وَمِزَاجُهُۥ مِن تَسۡنِيمٍ

ترجمہ معنیاُس شراب میں تسنیم کی آمیزش ہوگی

عَيۡنࣰ ا يَشۡرَبُ بِهَا ٱلۡمُقَرَّبُونَ

ترجمہ معنییہ ایک چشمہ ہے جس کے پانی کے ساتھ مقرب لوگ شراب پئیں گے

إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ

ترجمہ معنیمجرم لوگ دنیا میں ایمان لانے والوں کا مذاق اڑاتے تھے

وَإِذَا مَرُّواْ بِهِمۡ يَتَغَامَزُونَ

ترجمہ معنیجب اُن کے پاس سے گزرتے تو آنکھیں مار مار کر اُن کی طرف اشارے کرتے تھے

وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ

ترجمہ معنیاپنے گھروں کی طرف پلٹتے تو مزے لیتے ہوئے پلٹتے تھے

وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ

ترجمہ معنیاور جب انہیں دیکھتے تو کہتے تھے کہ یہ بہکے ہوئے لوگ ہیں

وَمَآ أُرۡسِلُواْ عَلَيۡهِمۡ حَٰفِظِينَ

ترجمہ معنیحالانکہ وہ اُن پر نگراں بنا کر نہیں بھیجے گئے تھے

فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ

ترجمہ معنیآج ایمان لانے والے کفار پر ہنس رہے ہیں

عَلَى ٱلۡأَرَآئِكِ يَنظُرُونَ

ترجمہ معنیمسندوں پر بیٹھے ہوئے ان کا حال دیکھ رہے ہیں

هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ

ترجمہ معنیمل گیا نا کافروں کو اُن حرکتوں کا ثواب جو وہ کیا کرتے تھے