سُوْرَةُ الشُّعَرَآءِ

Ash-Shu'araa

سورت 26آیات 227 مقام نزول مکیپارہ 19–19

آیت پر جائیں

بِسۡمِ ٱللَّهِ ٱلرَّحۡمَٰنِ ٱلرَّحِيمِ

طسٓمٓ

ترجمہ معنیط س م

تِلۡكَ ءَايَٰتُ ٱلۡكِتَٰبِ ٱلۡمُبِينِ

ترجمہ معنییہ کتاب مبین کی آیات ہیں

لَعَلَّكَ بَٰخِعࣱ نَّفۡسَكَ أَلَّا يَكُونُواْ مُؤۡمِنِينَ

ترجمہ معنیاے محمدؐ، شاید تم اس غم میں اپنی جان کھو دو گے کہ یہ لوگ ایمان نہیں لاتے

إِن نَّشَأۡ نُنَزِّلۡ عَلَيۡهِم مِّنَ ٱلسَّمَآءِ ءَايَةࣰ فَظَلَّتۡ أَعۡنَٰقُهُمۡ لَهَا خَٰضِعِينَ

ترجمہ معنیہم چاہیں تو آسمان سے ایسی نشانی نازل کر سکتے ہیں کہ اِن کی گردنیں اس کے آگے جھک جائیں

وَمَا يَأۡتِيهِم مِّن ذِكۡرࣲ مِّنَ ٱلرَّحۡمَٰنِ مُحۡدَثٍ إِلَّا كَانُواْ عَنۡهُ مُعۡرِضِينَ

ترجمہ معنیاِن لوگوں کے پاس رحمان کی طرف سے جو نئی نصیحت بھی آتی ہے یہ اس سے منہ موڑ لیتے ہیں

فَقَدۡ كَذَّبُواْ فَسَيَأۡتِيهِمۡ أَنۢبَٰٓؤُاْ مَا كَانُواْ بِهِۦ يَسۡتَهۡزِءُونَ

ترجمہ معنیاب کہ یہ جھٹلا چکے ہیں، عنقریب اِن کو اس چیز کی حقیقت (مختلف طریقوں سے) معلوم ہو جائے گی جس کا یہ مذاق اڑاتے رہے ہیں

أَوَلَمۡ يَرَوۡاْ إِلَى ٱلۡأَرۡضِ كَمۡ أَنۢبَتۡنَا فِيهَا مِن كُلِّ زَوۡجࣲ كَرِيمٍ

ترجمہ معنیاور کیا انہوں نے کبھی زمین پر نگاہ نہیں ڈالی کہ ہم نے کتنی کثیر مقدار میں ہر طرح کی عمدہ نباتات اس میں پیدا کی ہیں؟

إِنَّ فِي ذَٰلِكَ لَأٓيَةࣰۖ وَمَا كَانَ أَكۡثَرُهُم مُّؤۡمِنِينَ

ترجمہ معنییقیناً اس میں ایک نشانی ہے، مگر ان میں سے اکثر ماننے والے نہیں

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

ترجمہ معنیاور حقیقت یہ ہے کہ تیرا رب زبردست بھی ہے اور رحیم بھی

وَإِذۡ نَادَىٰ رَبُّكَ مُوسَىٰٓ أَنِ ٱئۡتِ ٱلۡقَوۡمَ ٱلظَّٰلِمِينَ

ترجمہ معنیاِنہیں اس وقت کا قصہ سناؤ جب کہ تمہارے رب نے موسیٰؑ کو پکارا "ظالم قوم کے پاس جا

قَوۡمَ فِرۡعَوۡنَۚ أَلَا يَتَّقُونَ

ترجمہ معنیفرعون کی قوم کے پاس، کیا وہ ڈرتے نہیں؟

قَالَ رَبِّ إِنِّيٓ أَخَافُ أَن يُكَذِّبُونِ

ترجمہ معنیاُس نے عرض کیا "اے رب، مجھے خوف ہے کہ وہ مجھے جھٹلا دیں گے

وَيَضِيقُ صَدۡرِي وَلَا يَنطَلِقُ لِسَانِي فَأَرۡسِلۡ إِلَىٰ هَٰرُونَ

ترجمہ معنیمیرا سینہ گھٹتا ہے اور میری زبان نہیں چلتی آپ ہارونؑ کی طرف رسالت بھیجیں

وَلَهُمۡ عَلَيَّ ذَنۢبࣱ فَأَخَافُ أَن يَقۡتُلُونِ

ترجمہ معنیاور مجھ پر اُن کے ہاں ایک جرم کا الزام بھی ہے، اس لیے ڈرتا ہوں کہ وہ مجھے قتل کر دیں گے

قَالَ كَلَّاۖ فَٱذۡهَبَا بِـَٔايَٰتِنَآۖ إِنَّا مَعَكُم مُّسۡتَمِعُونَ

ترجمہ معنیفرمایا "ہرگز نہیں، تم دونوں جاؤ ہماری نشانیاں لے کر، ہم تمہارے ساتھ سب کچھ سنتے رہیں گے

فَأۡتِيَا فِرۡعَوۡنَ فَقُولَآ إِنَّا رَسُولُ رَبِّ ٱلۡعَٰلَمِينَ

ترجمہ معنیفرعون کے پاس جاؤ اور اس سے کہو، ہم کو رب العٰلمین نے اس لیے بھیجا ہے

أَنۡ أَرۡسِلۡ مَعَنَا بَنِيٓ إِسۡرَٰٓءِيلَ

ترجمہ معنیکہ تو بنی اسرائیل کو ہمارے ساتھ جانے دے

قَالَ أَلَمۡ نُرَبِّكَ فِينَا وَلِيدࣰ ا وَلَبِثۡتَ فِينَا مِنۡ عُمُرِكَ سِنِينَ

ترجمہ معنیفرعون نے کہا "کیا ہم نے تجھ کو اپنے ہاں بچہ سا نہیں پالا تھا؟ تو نے اپنی عمر کے کئی سال ہمارے ہاں گزارے

وَفَعَلۡتَ فَعۡلَتَكَ ٱلَّتِي فَعَلۡتَ وَأَنتَ مِنَ ٱلۡكَٰفِرِينَ

ترجمہ معنیاور اس کے بعد کر گیا جو کچھ کہ کر گیا، تو بڑا احسان فراموش آدمی ہے

قَالَ فَعَلۡتُهَآ إِذࣰ ا وَأَنَا۠ مِنَ ٱلضَّآلِّينَ

ترجمہ معنیموسیٰؑ نے جواب دیا "اُس وقت وہ کام میں نے نادانستگی میں کر دیا تھا

فَفَرَرۡتُ مِنكُمۡ لَمَّا خِفۡتُكُمۡ فَوَهَبَ لِي رَبِّي حُكۡمࣰ ا وَجَعَلَنِي مِنَ ٱلۡمُرۡسَلِينَ

ترجمہ معنیپھر میں تمہارے خوف سے بھاگ گیا اس کے بعد میرے رب نے مجھ کو حکم عطا کیا اور مجھے رسولوں میں شامل کر لیا

وَتِلۡكَ نِعۡمَةࣱ تَمُنُّهَا عَلَيَّ أَنۡ عَبَّدتَّ بَنِيٓ إِسۡرَٰٓءِيلَ

ترجمہ معنیرہا تیرا احسان جو تو نے مجھ پر جتایا ہے تو اس کی حقیقت یہ ہے کہ تو نے بنی اسرائیل کو غلام بنا لیا تھا

قَالَ فِرۡعَوۡنُ وَمَا رَبُّ ٱلۡعَٰلَمِينَ

ترجمہ معنیفرعون نے کہا "اور یہ رب العالمین کیا ہوتا ہے؟

قَالَ رَبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَآۖ إِن كُنتُم مُّوقِنِينَ

ترجمہ معنیموسیٰؑ نے جواب دیا "آسمان اور زمین کا رب، اور اُن سب چیزوں کا رب جو آسمان اور زمین کے درمیان ہیں، اگر تم یقین لانے والے ہو

قَالَ لِمَنۡ حَوۡلَهُۥٓ أَلَا تَسۡتَمِعُونَ

ترجمہ معنیفرعون نے اپنے گرد و پیش کے لوگوں سے کہا "سُنتے ہو؟

قَالَ رَبُّكُمۡ وَرَبُّ ءَابَآئِكُمُ ٱلۡأَوَّلِينَ

ترجمہ معنیموسیٰؑ نے کہا "تمہارا رب بھی اور تمہارے ان آباء و اجداد کا رب بھی جو گزر چکے ہیں

قَالَ إِنَّ رَسُولَكُمُ ٱلَّذِيٓ أُرۡسِلَ إِلَيۡكُمۡ لَمَجۡنُونࣱ‏

ترجمہ معنیفرعون نے (حاضرین سے) کہا "تمہارے یہ رسول صاحب جو تمہاری طرف بھیجے گئے ہیں، بالکل ہی پاگل معلوم ہوتے ہیں

قَالَ رَبُّ ٱلۡمَشۡرِقِ وَٱلۡمَغۡرِبِ وَمَا بَيۡنَهُمَآۖ إِن كُنتُمۡ تَعۡقِلُونَ

ترجمہ معنیموسیٰؑ نے کہا "مشرق و مغرب اور جو کچھ ان کے درمیان ہے سب کا رب، اگر آپ لوگ کچھ عقل رکھتے ہیں

قَالَ لَئِنِ ٱتَّخَذۡتَ إِلَٰهًا غَيۡرِي لَأَجۡعَلَنَّكَ مِنَ ٱلۡمَسۡجُونِينَ

ترجمہ معنیفرعون نے کہا "اگر تو نے میرے سوا کسی اور کو معبود بنایا تو تجھے میں اُن لوگوں میں شامل کر دوں گا جو قید خانوں میں پڑے سڑ رہے ہیں

قَالَ أَوَلَوۡ جِئۡتُكَ بِشَيۡءࣲ مُّبِينࣲ‏

ترجمہ معنیموسیٰؑ نے کہا "اگرچہ میں لے آؤں تیرے سامنے ایک صریح چیز بھی؟

قَالَ فَأۡتِ بِهِۦٓ إِن كُنتَ مِنَ ٱلصَّٰدِقِينَ

ترجمہ معنیفرعون نے کہا "اچھا تو لے آ اگر تو سچا ہے

فَأَلۡقَىٰ عَصَاهُ فَإِذَا هِيَ ثُعۡبَانࣱ مُّبِينࣱ‏

ترجمہ معنی(اس کی زبان سے یہ بات نکلتے ہی) موسیٰؑ نے اپنا عصا پھینکا اور یکایک وہ ایک صریح اژدھا تھا

وَنَزَعَ يَدَهُۥ فَإِذَا هِيَ بَيۡضَآءُ لِلنَّٰظِرِينَ

ترجمہ معنیپھر اُس نے اپنا ہاتھ (بغل سے) کھینچا اور وہ سب دیکھنے والوں کے سامنے چمک رہا تھا

قَالَ لِلۡمَلَإِ حَوۡلَهُۥٓ إِنَّ هَٰذَا لَسَٰحِرٌ عَلِيمࣱ‏

ترجمہ معنیفرعون اپنے گرد و پیش کے سرداروں سے بولا "یہ شخص یقیناً ایک ماہر جادوگر ہے

يُرِيدُ أَن يُخۡرِجَكُم مِّنۡ أَرۡضِكُم بِسِحۡرِهِۦ فَمَاذَا تَأۡمُرُونَ

ترجمہ معنیچاہتا ہے کہ اپنے جادو کے زور سے تم کو ملک سے نکال دے اب بتاؤ تم کیا حکم دیتے ہو؟

قَالُوٓاْ أَرۡجِهۡ وَأَخَاهُ وَٱبۡعَثۡ فِي ٱلۡمَدَآئِنِ حَٰشِرِينَ

ترجمہ معنیانہوں نے کہا "اسے اور اس کے بھائی کو روک لیجیے اور شہروں میں ہرکارے بھیج دیجیے

يَأۡتُوكَ بِكُلِّ سَحَّارٍ عَلِيمࣲ‏

ترجمہ معنیکہ ہر سیانے جادوگر کو آپ کے پاس لے آئیں

فَجُمِعَ ٱلسَّحَرَةُ لِمِيقَٰتِ يَوۡمࣲ مَّعۡلُومࣲ‏

ترجمہ معنیچنانچہ ایک روز مقرر وقت پر جادوگر اکٹھے کر لیے گئے

وَقِيلَ لِلنَّاسِ هَلۡ أَنتُم مُّجۡتَمِعُونَ

ترجمہ معنیاور لوگوں سے کہا گیا "تم اجتماع میں چلو گے؟

لَعَلَّنَا نَتَّبِعُ ٱلسَّحَرَةَ إِن كَانُواْ هُمُ ٱلۡغَٰلِبِينَ

ترجمہ معنیشاید کہ ہم جادوگروں کے دین ہی پر رہ جائیں اگر وہ غالب رہے

فَلَمَّا جَآءَ ٱلسَّحَرَةُ قَالُواْ لِفِرۡعَوۡنَ أَئِنَّ لَنَا لَأَجۡرًا إِن كُنَّا نَحۡنُ ٱلۡغَٰلِبِينَ

ترجمہ معنیجب جادوگر میدان میں آ گئے تو انہوں نے فرعون سے کہا "ہمیں انعام تو ملے گا اگر ہم غالب رہے؟

قَالَ نَعَمۡ وَإِنَّكُمۡ إِذࣰ ا لَّمِنَ ٱلۡمُقَرَّبِينَ

ترجمہ معنیاس نے کہا "ہاں، اور تم تو اس وقت مقربین میں شامل ہو جاؤ گے

قَالَ لَهُم مُّوسَىٰٓ أَلۡقُواْ مَآ أَنتُم مُّلۡقُونَ

ترجمہ معنیموسیٰؑ نے کہا "پھینکو جو تمہیں پھینکنا ہے

فَأَلۡقَوۡاْ حِبَالَهُمۡ وَعِصِيَّهُمۡ وَقَالُواْ بِعِزَّةِ فِرۡعَوۡنَ إِنَّا لَنَحۡنُ ٱلۡغَٰلِبُونَ

ترجمہ معنیانہوں نے فوراً اپنی رسیاں اور لاٹھیاں پھینک دیں اور بولے "فرعون کے اقبال سے ہم ہی غالب رہیں گے

فَأَلۡقَىٰ مُوسَىٰ عَصَاهُ فَإِذَا هِيَ تَلۡقَفُ مَا يَأۡفِكُونَ

ترجمہ معنیپھر موسیٰؑ نے اپنا عصا پھینکا تو یکایک وہ ان کے جھوٹے کرشموں کو ہڑپ کرتا چلا جا رہا تھا

فَأُلۡقِيَ ٱلسَّحَرَةُ سَٰجِدِينَ

ترجمہ معنیاس پر سارے جادوگر بے اختیار سجدے میں گر پڑے

قَالُوٓاْ ءَامَنَّا بِرَبِّ ٱلۡعَٰلَمِينَ

ترجمہ معنیاور بول اٹھے کہ "مان گئے ہم رب العالمین کو

رَبِّ مُوسَىٰ وَهَٰرُونَ

ترجمہ معنیموسیٰؑ اور ہارونؑ کے رب کو

قَالَ ءَامَنتُمۡ لَهُۥ قَبۡلَ أَنۡ ءَاذَنَ لَكُمۡۖ إِنَّهُۥ لَكَبِيرُكُمُ ٱلَّذِي عَلَّمَكُمُ ٱلسِّحۡرَ فَلَسَوۡفَ تَعۡلَمُونَۚ لَأُقَطِّعَنَّ أَيۡدِيَكُمۡ وَأَرۡجُلَكُم مِّنۡ خِلَٰفࣲ وَلَأُصَلِّبَنَّكُمۡ أَجۡمَعِينَ

ترجمہ معنیفرعون نے کہا "تم موسیٰؑ کی بات مان گئے قبل اس کے کہ میں تمہیں اجازت دیتا! ضرور یہ تمہارا بڑا ہے جس نے تمہیں جادو سکھایا ہے اچھا، ابھی تمہیں معلوم ہوا جاتا ہے، میں تمہارے ہاتھ پاؤں مخالف سمتوں میں کٹواؤں گا اور تم سب کو سولی چڑھا دوں گا

قَالُواْ لَا ضَيۡرَۖ إِنَّآ إِلَىٰ رَبِّنَا مُنقَلِبُونَ

ترجمہ معنیانہوں نے جواب دیا "کچھ پرواہ نہیں، ہم اپنے رب کے حضور پہنچ جائیں گے

إِنَّا نَطۡمَعُ أَن يَغۡفِرَ لَنَا رَبُّنَا خَطَٰيَٰنَآ أَن كُنَّآ أَوَّلَ ٱلۡمُؤۡمِنِينَ

ترجمہ معنیاور ہمیں توقع ہے کہ ہمارا رب ہمارے گناہ معاف کر دے گا کیونکہ سب سے پہلے ہم ایمان لائے ہیں

۞وَأَوۡحَيۡنَآ إِلَىٰ مُوسَىٰٓ أَنۡ أَسۡرِ بِعِبَادِيٓ إِنَّكُم مُّتَّبَعُونَ

ترجمہ معنیہم نے موسیٰؑ کو وحی بھیجی کہ "راتوں رات میرے بندوں کو لے کر نکل جاؤ، تمہارا پیچھا کیا جائے گا

فَأَرۡسَلَ فِرۡعَوۡنُ فِي ٱلۡمَدَآئِنِ حَٰشِرِينَ

ترجمہ معنیاس پر فرعون نے (فوجیں جمع کرنے کے لیے) شہروں میں نقیب بھیج دیے

إِنَّ هَٰٓؤُلَآءِ لَشِرۡذِمَةࣱ قَلِيلُونَ

ترجمہ معنی(اور کہلا بھیجا) کہ "یہ کچھ مٹھی بھر لوگ ہیں

وَإِنَّهُمۡ لَنَا لَغَآئِظُونَ

ترجمہ معنیاور انہوں نے ہم کو بہت ناراض کیا ہے

وَإِنَّا لَجَمِيعٌ حَٰذِرُونَ

ترجمہ معنیاور ہم ایک ایسی جماعت ہیں جس کا شیوہ ہر وقت چوکنا رہنا ہے

فَأَخۡرَجۡنَٰهُم مِّن جَنَّٰتࣲ وَعُيُونࣲ‏

ترجمہ معنیاِس طرح ہم انہیں ان کے باغوں اور چشموں

وَكُنُوزࣲ وَمَقَامࣲ كَرِيمࣲ‏

ترجمہ معنیاور خزانوں اور ان کی بہترین قیام گاہوں سے نکال لائے

كَذَٰلِكَۖ وَأَوۡرَثۡنَٰهَا بَنِيٓ إِسۡرَٰٓءِيلَ

ترجمہ معنییہ تو ہوا اُن کے ساتھ، اور (دوسری طرف) بنی اسرائیل کو ہم نے ان سب چیزوں کا وارث کر دیا

فَأَتۡبَعُوهُم مُّشۡرِقِينَ

ترجمہ معنیصبح ہوتے ہی یہ لوگ اُن کے تعاقب میں چل پڑے

فَلَمَّا تَرَٰٓءَا ٱلۡجَمۡعَانِ قَالَ أَصۡحَٰبُ مُوسَىٰٓ إِنَّا لَمُدۡرَكُونَ

ترجمہ معنیجب دونوں گروہوں کا آمنا سامنا ہوا تو موسیٰؑ کے ساتھی چیخ اٹھے کہ "ہم تو پکڑے گئے

قَالَ كَلَّآۖ إِنَّ مَعِيَ رَبِّي سَيَهۡدِينِ

ترجمہ معنیموسیٰؑ نے کہا "ہرگز نہیں میرے ساتھ میرا رب ہے وہ ضرور میری رہنمائی فرمائے گا

فَأَوۡحَيۡنَآ إِلَىٰ مُوسَىٰٓ أَنِ ٱضۡرِب بِّعَصَاكَ ٱلۡبَحۡرَۖ فَٱنفَلَقَ فَكَانَ كُلُّ فِرۡقࣲ كَٱلطَّوۡدِ ٱلۡعَظِيمِ

ترجمہ معنیہم نے موسیٰؑ کو وحی کے ذریعہ سے حکم دیا کہ "مار اپنا عصا سمندر پر" یکایک سمندر پھَٹ گیا اور اس کا ہر ٹکڑا ایک عظیم الشان پہاڑ کی طرح ہو گیا

وَأَزۡلَفۡنَا ثَمَّ ٱلۡأٓخَرِينَ

ترجمہ معنیاُسی جگہ ہم دوسرے گروہ کو بھی قریب لے آئے

وَأَنجَيۡنَا مُوسَىٰ وَمَن مَّعَهُۥٓ أَجۡمَعِينَ

ترجمہ معنیموسیٰؑ اور اُن سب لوگوں کو جو اس کے ساتھ تھے، ہم نے بچا لیا

ثُمَّ أَغۡرَقۡنَا ٱلۡأٓخَرِينَ

ترجمہ معنیاور دوسروں کو غرق کر دیا

إِنَّ فِي ذَٰلِكَ لَأٓيَةࣰۖ وَمَا كَانَ أَكۡثَرُهُم مُّؤۡمِنِينَ

ترجمہ معنیاس واقعہ میں ایک نشانی ہے، مگر اِن لوگوں میں سے اکثر ماننے والے نہیں ہیں

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

ترجمہ معنیاور حقیقت یہ ہے کہ تیرا رب زبردست بھی ہے اور رحیم بھی

وَٱتۡلُ عَلَيۡهِمۡ نَبَأَ إِبۡرَٰهِيمَ

ترجمہ معنیاور اِنہیں ابراہیمؑ کا قصہ سناؤ

إِذۡ قَالَ لِأَبِيهِ وَقَوۡمِهِۦ مَا تَعۡبُدُونَ

ترجمہ معنیجبکہ اس نے اپنے باپ اور اپنی قوم سے پوچھا تھا کہ "یہ کیا چیزیں ہیں جن کو تم پوجتے ہو؟

قَالُواْ نَعۡبُدُ أَصۡنَامࣰ ا فَنَظَلُّ لَهَا عَٰكِفِينَ

ترجمہ معنیانہوں نے جواب دیا "کچھ بت ہیں جن کی ہم پوجا کرتے ہیں اور انہی کی سیوا میں ہم لگے رہتے ہیں

قَالَ هَلۡ يَسۡمَعُونَكُمۡ إِذۡ تَدۡعُونَ

ترجمہ معنیاس نے پوچھا "کیا یہ تمہاری سنتے ہیں جب تم انہیں پکارتے ہو؟

أَوۡ يَنفَعُونَكُمۡ أَوۡ يَضُرُّونَ

ترجمہ معنییا یہ تمہیں کچھ نفع یا نقصان پہنچاتے ہیں؟

قَالُواْ بَلۡ وَجَدۡنَآ ءَابَآءَنَا كَذَٰلِكَ يَفۡعَلُونَ

ترجمہ معنیانہوں نے جواب دیا "نہیں، بلکہ ہم نے اپنے باپ دادا کو ایسا ہی کرتے پایا ہے

قَالَ أَفَرَءَيۡتُم مَّا كُنتُمۡ تَعۡبُدُونَ

ترجمہ معنیاس پر ابراہیمؑ نے کہا "کبھی تم نے (آنکھیں کھول کر) اُن چیزوں کو دیکھا بھی جن کی بندگی تم

أَنتُمۡ وَءَابَآؤُكُمُ ٱلۡأَقۡدَمُونَ

ترجمہ معنیاور تمہارے پچھلے باپ دادا بجا لاتے رہے؟

فَإِنَّهُمۡ عَدُوࣱّ لِّيٓ إِلَّا رَبَّ ٱلۡعَٰلَمِينَ

ترجمہ معنیمیرے تو یہ سب دشمن ہیں، بجز ایک رب العالمین کے

ٱلَّذِي خَلَقَنِي فَهُوَ يَهۡدِينِ

ترجمہ معنیجس نے مجھے پیدا کیا، پھر وہی میری رہنمائی فرماتا ہے

وَٱلَّذِي هُوَ يُطۡعِمُنِي وَيَسۡقِينِ

ترجمہ معنیجو مجھے کھلاتا اور پلاتا ہے

وَإِذَا مَرِضۡتُ فَهُوَ يَشۡفِينِ

ترجمہ معنیاور جب میں بیمار ہو جاتا ہوں تو وہی مجھے شفا دیتا ہے

وَٱلَّذِي يُمِيتُنِي ثُمَّ يُحۡيِينِ

ترجمہ معنیجو مجھے موت دے گا اور پھر دوبارہ مجھ کو زندگی بخشے گا

وَٱلَّذِيٓ أَطۡمَعُ أَن يَغۡفِرَ لِي خَطِيٓـَٔتِي يَوۡمَ ٱلدِّينِ

ترجمہ معنیاور جس سے میں امید رکھتا ہوں کہ روزِ جزا میں وہ میری خطا معاف فرما دے گا

رَبِّ هَبۡ لِي حُكۡمࣰ ا وَأَلۡحِقۡنِي بِٱلصَّٰلِحِينَ

ترجمہ معنی(اِس کے بعد ابراہیمؑ نے دعا کی) "اے میرے رب، مجھے حکم عطا کر اور مجھ کو صالحوں کے ساتھ ملا

وَٱجۡعَل لِّي لِسَانَ صِدۡقࣲ فِي ٱلۡأٓخِرِينَ

ترجمہ معنیاور بعد کے آنے والوں میں مجھ کو سچی ناموری عطا کر

وَٱجۡعَلۡنِي مِن وَرَثَةِ جَنَّةِ ٱلنَّعِيمِ

ترجمہ معنیاور مجھے جنتِ نعیم کے وارثوں میں شامل فرما

وَٱغۡفِرۡ لِأَبِيٓ إِنَّهُۥ كَانَ مِنَ ٱلضَّآلِّينَ

ترجمہ معنیاور میرے باپ کو معاف کر دے کہ بے شک وہ گمراہ لوگوں میں سے ہے

وَلَا تُخۡزِنِي يَوۡمَ يُبۡعَثُونَ

ترجمہ معنیاور مجھے اس دن رسوا نہ کر جبکہ سب لوگ زندہ کر کے اٹھائے جائیں گے

يَوۡمَ لَا يَنفَعُ مَالࣱ وَلَا بَنُونَ

ترجمہ معنیجبکہ نہ مال کوئی فائدہ دے گا نہ اولاد

إِلَّا مَنۡ أَتَى ٱللَّهَ بِقَلۡبࣲ سَلِيمࣲ‏

ترجمہ معنیبجز اس کے کہ کوئی شخص قلب سلیم لیے ہوئے اللہ کے حضور حاضر ہو

وَأُزۡلِفَتِ ٱلۡجَنَّةُ لِلۡمُتَّقِينَ

ترجمہ معنی(اس روز) جنت پرہیزگاروں کے قریب لے آئی جائے گی

وَبُرِّزَتِ ٱلۡجَحِيمُ لِلۡغَاوِينَ

ترجمہ معنیاور دوزخ بہکے ہوئے لوگوں کے سامنے کھول دی جائے گی

وَقِيلَ لَهُمۡ أَيۡنَ مَا كُنتُمۡ تَعۡبُدُونَ

ترجمہ معنیاور ان سے پوچھا جائے گا کہ "اب کہاں ہیں وہ جن کی تم خدا کو چھوڑ کر عبادت کیا کرتے تھے؟

مِن دُونِ ٱللَّهِ هَلۡ يَنصُرُونَكُمۡ أَوۡ يَنتَصِرُونَ

ترجمہ معنیکیا وہ تمہاری کچھ مدد کر رہے ہیں یا خود اپنا بچاؤ کر سکتے ہیں؟

فَكُبۡكِبُواْ فِيهَا هُمۡ وَٱلۡغَاوُۥنَ

ترجمہ معنیپھر وہ معبود اور یہ بہکے ہوئے لوگ

وَجُنُودُ إِبۡلِيسَ أَجۡمَعُونَ

ترجمہ معنیاور ابلیس کے لشکر سب کے سب اس میں اُوپر تلے دھکیل دیے جائیں گے

قَالُواْ وَهُمۡ فِيهَا يَخۡتَصِمُونَ

ترجمہ معنیوہاں یہ سب آپس میں جھگڑیں گے اور یہ بہکے ہوئے لوگ (اپنے معبودوں سے) کہیں گے

تَٱللَّهِ إِن كُنَّا لَفِي ضَلَٰلࣲ مُّبِينٍ

ترجمہ معنیکہ "خدا کی قسم، ہم تو صریح گمراہی میں مبتلا تھے

إِذۡ نُسَوِّيكُم بِرَبِّ ٱلۡعَٰلَمِينَ

ترجمہ معنیجبکہ تم کو رب العالمین کی برابری کا درجہ دے رہے تھے

وَمَآ أَضَلَّنَآ إِلَّا ٱلۡمُجۡرِمُونَ

ترجمہ معنیاور وہ مجرم لوگ ہی تھے جنہوں نے ہم کو اس گمراہی میں ڈالا

فَمَا لَنَا مِن شَٰفِعِينَ

ترجمہ معنیاب نہ ہمارا کوئی سفارشی ہے

وَلَا صَدِيقٍ حَمِيمࣲ‏

ترجمہ معنیاور نہ کوئی جگری دوست

فَلَوۡ أَنَّ لَنَا كَرَّةࣰ فَنَكُونَ مِنَ ٱلۡمُؤۡمِنِينَ

ترجمہ معنیکاش ہمیں ایک دفعہ پھر پلٹنے کا موقع مل جائے تو ہم مومن ہوں

إِنَّ فِي ذَٰلِكَ لَأٓيَةࣰۖ وَمَا كَانَ أَكۡثَرُهُم مُّؤۡمِنِينَ

ترجمہ معنییقیناً اس میں ایک بڑی نشانی ہے، مگر ان میں سے اکثر لوگ ایمان لانے والے نہیں

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

ترجمہ معنیاور حقیقت یہ ہے کہ تیرا رب زبردست بھی ہے اور رحیم بھی

كَذَّبَتۡ قَوۡمُ نُوحٍ ٱلۡمُرۡسَلِينَ

ترجمہ معنیقوم نوحؑ نے رسولوں کو جھٹلایا

إِذۡ قَالَ لَهُمۡ أَخُوهُمۡ نُوحٌ أَلَا تَتَّقُونَ

ترجمہ معنییاد کرو جبکہ ان کے بھائی نوحؑ نے ان سے کہا تھا "کیا تم ڈرتے نہیں ہو؟

إِنِّي لَكُمۡ رَسُولٌ أَمِينࣱ‏

ترجمہ معنیمیں تمہارے لیے ایک امانت دار رسول ہوں

فَٱتَّقُواْ ٱللَّهَ وَأَطِيعُونِ

ترجمہ معنیلہٰذا تم اللہ سے ڈرو اور میری اطاعت کرو

وَمَآ أَسۡـَٔلُكُمۡ عَلَيۡهِ مِنۡ أَجۡرٍۖ إِنۡ أَجۡرِيَ إِلَّا عَلَىٰ رَبِّ ٱلۡعَٰلَمِينَ

ترجمہ معنیمیں اس کام پر تم سے کسی اجر کا طالب نہیں ہوں میرا اجر تو رب العالمین کے ذمہ ہے

فَٱتَّقُواْ ٱللَّهَ وَأَطِيعُونِ

ترجمہ معنیپس تم اللہ سے ڈرو اور (بے کھٹکے) میری اطاعت کرو

۞قَالُوٓاْ أَنُؤۡمِنُ لَكَ وَٱتَّبَعَكَ ٱلۡأَرۡذَلُونَ

ترجمہ معنیانہوں نے جواب دیا "“کیا ہم تجھے مان لیں حالانکہ تیری پیروی رذیل ترین لوگوں نے اختیار کی ہے؟

قَالَ وَمَا عِلۡمِي بِمَا كَانُواْ يَعۡمَلُونَ

ترجمہ معنینوحؑ نے کہا "میں کیا جانوں کہ ان کے عمل کیسے ہیں

إِنۡ حِسَابُهُمۡ إِلَّا عَلَىٰ رَبِّيۖ لَوۡ تَشۡعُرُونَ

ترجمہ معنیان کا حساب تو میرے رب کے ذمہ ہے، کاش تم کچھ شعور سے کام لو

وَمَآ أَنَا۠ بِطَارِدِ ٱلۡمُؤۡمِنِينَ

ترجمہ معنیمیرا یہ کام نہیں ہے کہ جو ایمان لائیں ان کو میں دھتکار دوں

إِنۡ أَنَا۠ إِلَّا نَذِيرࣱ مُّبِينࣱ‏

ترجمہ معنیمیں تو بس ایک صاف صاف متنبہ کر دینے والا آدمی ہوں

قَالُواْ لَئِن لَّمۡ تَنتَهِ يَٰنُوحُ لَتَكُونَنَّ مِنَ ٱلۡمَرۡجُومِينَ

ترجمہ معنیانہوں نے کہا "اے نوحؑ، اگر تو باز نہ آیا تو پھٹکارے ہوئے لوگوں میں شامل ہو کر رہے گا

قَالَ رَبِّ إِنَّ قَوۡمِي كَذَّبُونِ

ترجمہ معنینوحؑ نے دعا کی "“اے میرے رب، میری قوم نے مجھے جھٹلا دیا

فَٱفۡتَحۡ بَيۡنِي وَبَيۡنَهُمۡ فَتۡحࣰ ا وَنَجِّنِي وَمَن مَّعِيَ مِنَ ٱلۡمُؤۡمِنِينَ

ترجمہ معنیاب میرے اور ان کے درمیان دو ٹوک فیصلہ کر دے اور مجھے اور جو مومن میرے ساتھ ہیں ان کو نجات دے

فَأَنجَيۡنَٰهُ وَمَن مَّعَهُۥ فِي ٱلۡفُلۡكِ ٱلۡمَشۡحُونِ

ترجمہ معنیآخرکار ہم نے اس کو اور اس کے ساتھیوں کو ایک بھری ہوئی کشتی میں بچا لیا

ثُمَّ أَغۡرَقۡنَا بَعۡدُ ٱلۡبَاقِينَ

ترجمہ معنیاور اس کے بعد باقی لوگوں کو غرق کر دیا

إِنَّ فِي ذَٰلِكَ لَأٓيَةࣰۖ وَمَا كَانَ أَكۡثَرُهُم مُّؤۡمِنِينَ

ترجمہ معنییقیناً اس میں ایک نشانی ہے، مگر ان میں سے اکثر لوگ ماننے والے نہیں

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

ترجمہ معنیاور حقیقت یہ ہے کہ تیرا رب زبردست بھی ہے اور رحیم بھی

كَذَّبَتۡ عَادٌ ٱلۡمُرۡسَلِينَ

ترجمہ معنیعاد نے رسولوں کو جھٹلایا

إِذۡ قَالَ لَهُمۡ أَخُوهُمۡ هُودٌ أَلَا تَتَّقُونَ

ترجمہ معنییاد کرو جبکہ ان کے بھائی ہودؑ نے ان سے کہا تھا "کیا تم ڈرتے نہیں؟

إِنِّي لَكُمۡ رَسُولٌ أَمِينࣱ‏

ترجمہ معنیمیں تمہارے لیے ایک امانت دار رسول ہوں

فَٱتَّقُواْ ٱللَّهَ وَأَطِيعُونِ

ترجمہ معنیلہٰذا تم اللہ سے ڈرو اور میری اطاعت کرو

وَمَآ أَسۡـَٔلُكُمۡ عَلَيۡهِ مِنۡ أَجۡرٍۖ إِنۡ أَجۡرِيَ إِلَّا عَلَىٰ رَبِّ ٱلۡعَٰلَمِينَ

ترجمہ معنیمیں اس کام پر تم سے کسی اجر کا طالب نہیں ہوں میرا اجر تو رب العالمین کے ذمہ ہے

أَتَبۡنُونَ بِكُلِّ رِيعٍ ءَايَةࣰ تَعۡبَثُونَ

ترجمہ معنییہ تمہارا کیا حال ہے کہ ہر اونچے مقام پر لا حاصل ایک یادگار عمارت بنا ڈالتے ہو

وَتَتَّخِذُونَ مَصَانِعَ لَعَلَّكُمۡ تَخۡلُدُونَ

ترجمہ معنیاور بڑے بڑے قصر تعمیر کرتے ہو گویا تمہیں ہمیشہ رہنا ہے

وَإِذَا بَطَشۡتُم بَطَشۡتُمۡ جَبَّارِينَ

ترجمہ معنیاور جب کسی پر ہاتھ ڈالتے ہو جبّار بن کر ڈالتے ہو

فَٱتَّقُواْ ٱللَّهَ وَأَطِيعُونِ

ترجمہ معنیپس تم لوگ اللہ سے ڈرو اور میری اطاعت کرو

وَٱتَّقُواْ ٱلَّذِيٓ أَمَدَّكُم بِمَا تَعۡلَمُونَ

ترجمہ معنیڈرو اُس سے جس نے وہ کچھ تمہیں دیا ہے جو تم جانتے ہو

أَمَدَّكُم بِأَنۡعَٰمࣲ وَبَنِينَ

ترجمہ معنیتمہیں جانور دیے، اولادیں دیں

وَجَنَّٰتࣲ وَعُيُونٍ

ترجمہ معنیباغ دیے اور چشمے دیے

إِنِّيٓ أَخَافُ عَلَيۡكُمۡ عَذَابَ يَوۡمٍ عَظِيمࣲ‏

ترجمہ معنیمجھے تمہارے حق میں ایک بڑے دن کے عذاب کا ڈر ہے

قَالُواْ سَوَآءٌ عَلَيۡنَآ أَوَعَظۡتَ أَمۡ لَمۡ تَكُن مِّنَ ٱلۡوَٰعِظِينَ

ترجمہ معنیانہوں نے جواب دیا "تو نصیحت کر یا نہ کر، ہمارے لیے یکساں ہے

إِنۡ هَٰذَآ إِلَّا خُلُقُ ٱلۡأَوَّلِينَ

ترجمہ معنییہ باتیں تو یوں ہی ہوتی چلی آئی ہیں

وَمَا نَحۡنُ بِمُعَذَّبِينَ

ترجمہ معنیاور ہم عذاب میں مُبتلا ہونے والے نہیں ہیں

فَكَذَّبُوهُ فَأَهۡلَكۡنَٰهُمۡۚ إِنَّ فِي ذَٰلِكَ لَأٓيَةࣰۖ وَمَا كَانَ أَكۡثَرُهُم مُّؤۡمِنِينَ

ترجمہ معنیآخرکار انہوں نے اُسے جھٹلا دیا اور ہم نے ان کو ہلاک کر دیا یقیناً اس میں ایک نشانی ہے، مگر ان میں سے اکثر لوگ ماننے والے نہیں ہیں

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

ترجمہ معنیاور حقیقت یہ ہے کہ تیرا رب زبردست بھی ہے اور رحیم بھی

كَذَّبَتۡ ثَمُودُ ٱلۡمُرۡسَلِينَ

ترجمہ معنیثمود نے رسولوں کو جھٹلایا

إِذۡ قَالَ لَهُمۡ أَخُوهُمۡ صَٰلِحٌ أَلَا تَتَّقُونَ

ترجمہ معنییاد کرو جبکہ ان کے بھائی صالحؑ نے ان سے کہا "کیا تم ڈرتے نہیں؟

إِنِّي لَكُمۡ رَسُولٌ أَمِينࣱ‏

ترجمہ معنیمیں تمہارے لیے ایک امانت دار رسول ہوں

فَٱتَّقُواْ ٱللَّهَ وَأَطِيعُونِ

ترجمہ معنیلہٰذا تم اللہ سے ڈرو اور میری اطاعت کرو

وَمَآ أَسۡـَٔلُكُمۡ عَلَيۡهِ مِنۡ أَجۡرٍۖ إِنۡ أَجۡرِيَ إِلَّا عَلَىٰ رَبِّ ٱلۡعَٰلَمِينَ

ترجمہ معنیمیں اس کام پر تم سے کسی اجر کا طالب نہیں، میرا اجر تو رب العالمین کے ذمہ ہے

أَتُتۡرَكُونَ فِي مَا هَٰهُنَآ ءَامِنِينَ

ترجمہ معنیکیا تم اُن سب چیزوں کے درمیان، جو یہاں ہیں، بس یوں ہی اطمینان سے رہنے دیے جاؤ گے؟

فِي جَنَّٰتࣲ وَعُيُونࣲ‏

ترجمہ معنیاِن باغوں اور چشموں میں؟

وَزُرُوعࣲ وَنَخۡلࣲ طَلۡعُهَا هَضِيمࣱ‏

ترجمہ معنیاِن کھیتوں اور نخلستانوں میں جن کے خوشے رس بھرے ہیں؟

وَتَنۡحِتُونَ مِنَ ٱلۡجِبَالِ بُيُوتࣰ ا فَٰرِهِينَ

ترجمہ معنیتم پہاڑ کھود کھود کر فخریہ اُن میں عمارتیں بناتے ہو

فَٱتَّقُواْ ٱللَّهَ وَأَطِيعُونِ

ترجمہ معنیاللہ سے ڈرو اور میری اطاعت کرو

وَلَا تُطِيعُوٓاْ أَمۡرَ ٱلۡمُسۡرِفِينَ

ترجمہ معنیاُن بے لگام لوگوں کی اطاعت نہ کرو

ٱلَّذِينَ يُفۡسِدُونَ فِي ٱلۡأَرۡضِ وَلَا يُصۡلِحُونَ

ترجمہ معنیجو زمین میں فساد برپا کرتے ہیں اور کوئی اصلاح نہیں کرتے

قَالُوٓاْ إِنَّمَآ أَنتَ مِنَ ٱلۡمُسَحَّرِينَ

ترجمہ معنیانہوں نے جواب دیا "تو محض ایک سحر زدہ آدمی ہے

مَآ أَنتَ إِلَّا بَشَرࣱ مِّثۡلُنَا فَأۡتِ بِـَٔايَةٍ إِن كُنتَ مِنَ ٱلصَّٰدِقِينَ

ترجمہ معنیتو ہم جیسے ایک انسان کے سوا اور کیا ہے لا کوئی نشانی اگر تو سچّا ہے

قَالَ هَٰذِهِۦ نَاقَةࣱ لَّهَا شِرۡبࣱ وَلَكُمۡ شِرۡبُ يَوۡمࣲ مَّعۡلُومࣲ‏

ترجمہ معنیصالحؑ نے کہا "یہ اونٹنی ہے ایک دن اس کے پینے کا ہے اور ایک دن تم سب کے پانی لینے کا

وَلَا تَمَسُّوهَا بِسُوٓءࣲ فَيَأۡخُذَكُمۡ عَذَابُ يَوۡمٍ عَظِيمࣲ‏

ترجمہ معنیاس کو ہرگز نہ چھیڑنا ورنہ ایک بڑے دن کا عذاب تم کو آ لے گا

فَعَقَرُوهَا فَأَصۡبَحُواْ نَٰدِمِينَ

ترجمہ معنیمگر انہوں نے اس کی کوچیں کاٹ دیں اور آخرکار پچھتاتے رہ گئے

فَأَخَذَهُمُ ٱلۡعَذَابُۚ إِنَّ فِي ذَٰلِكَ لَأٓيَةࣰۖ وَمَا كَانَ أَكۡثَرُهُم مُّؤۡمِنِينَ

ترجمہ معنیعذاب نے انہیں آ لیا یقیناً اس میں ایک نشانی ہے، مگر ان میں سے اکثر ماننے والے نہیں

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

ترجمہ معنیاور حقیقت یہ ہے کہ تیرا رب زبردست بھی ہے اور رحیم بھی

كَذَّبَتۡ قَوۡمُ لُوطٍ ٱلۡمُرۡسَلِينَ

ترجمہ معنیلوطؑ کی قوم نے رسولوں کو جھٹلایا

إِذۡ قَالَ لَهُمۡ أَخُوهُمۡ لُوطٌ أَلَا تَتَّقُونَ

ترجمہ معنییاد کرو جبکہ ان کے بھائی لوطؑ نے ان سے کہا تھا "کیا تم ڈرتے نہیں؟

إِنِّي لَكُمۡ رَسُولٌ أَمِينࣱ‏

ترجمہ معنیمیں تمہارے لیے ایک امانت دار رسول ہوں

فَٱتَّقُواْ ٱللَّهَ وَأَطِيعُونِ

ترجمہ معنیلہٰذا تم اللہ سے ڈرو اور میری اطاعت کرو

وَمَآ أَسۡـَٔلُكُمۡ عَلَيۡهِ مِنۡ أَجۡرٍۖ إِنۡ أَجۡرِيَ إِلَّا عَلَىٰ رَبِّ ٱلۡعَٰلَمِينَ

ترجمہ معنیمیں اس کام پر تم سے کسی اجر کا طالب نہیں ہوں، میرا اجر تو رب العالمین کے ذمہ ہے

أَتَأۡتُونَ ٱلذُّكۡرَانَ مِنَ ٱلۡعَٰلَمِينَ

ترجمہ معنیکیا تم دنیا کی مخلوق میں سے مَردوں کے پاس جاتے ہو

وَتَذَرُونَ مَا خَلَقَ لَكُمۡ رَبُّكُم مِّنۡ أَزۡوَٰجِكُمۚ بَلۡ أَنتُمۡ قَوۡمٌ عَادُونَ

ترجمہ معنیاور تمہاری بیویوں میں تمہارے رب نے تمہارے لیے جو کچھ پیدا کیا ہے اسے چھوڑ دیتے ہو؟ بلکہ تم لوگ تو حد سے ہی گزر گئے ہو

قَالُواْ لَئِن لَّمۡ تَنتَهِ يَٰلُوطُ لَتَكُونَنَّ مِنَ ٱلۡمُخۡرَجِينَ

ترجمہ معنیانہوں نے کہا “اے لوطؑ، "اگر تو اِن باتوں سے باز نہ آیا تو جو لوگ ہماری بستیوں سے نکالے گئے ہیں اُن میں تو بھی شامل ہو کر رہے گا

قَالَ إِنِّي لِعَمَلِكُم مِّنَ ٱلۡقَالِينَ

ترجمہ معنیاس نے کہا "تمہارے کرتوتوں پر جو لوگ کُڑھ رہے ہیں میں اُن میں شامل ہوں

رَبِّ نَجِّنِي وَأَهۡلِي مِمَّا يَعۡمَلُونَ

ترجمہ معنیاے پروردگار، مجھے اور میرے اہل و عیال کو ان کی بد کرداریوں سے نجات دے

فَنَجَّيۡنَٰهُ وَأَهۡلَهُۥٓ أَجۡمَعِينَ

ترجمہ معنیآخرکار ہم نے اسے اور اس کے سب اہل و عیال کو بچا لیا

إِلَّا عَجُوزࣰ ا فِي ٱلۡغَٰبِرِينَ

ترجمہ معنیبجز ایک بڑھیا کے جو پیچھے رہ جانے والوں میں تھی

ثُمَّ دَمَّرۡنَا ٱلۡأٓخَرِينَ

ترجمہ معنیپھر باقی ماندہ لوگوں کو ہم نے تباہ کر دیا

وَأَمۡطَرۡنَا عَلَيۡهِم مَّطَرࣰ اۖ فَسَآءَ مَطَرُ ٱلۡمُنذَرِينَ

ترجمہ معنیاور ان پر برسائی ایک برسات، بڑی ہی بُری بارش تھی جو اُن ڈرائے جانے والوں پر نازل ہوئی

إِنَّ فِي ذَٰلِكَ لَأٓيَةࣰۖ وَمَا كَانَ أَكۡثَرُهُم مُّؤۡمِنِينَ

ترجمہ معنییقیناً اس میں ایک نشانی ہے، مگر اِن میں سے اکثر ماننے والے نہیں

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

ترجمہ معنیاور حقیقت یہ ہے کہ تیرا رب زبردست بھی ہے اور رحیم بھی

كَذَّبَ أَصۡحَٰبُ لۡـَٔيۡكَةِ ٱلۡمُرۡسَلِينَ

ترجمہ معنیاصحاب الاَیکہ نے رسولوں کو جھٹلایا

إِذۡ قَالَ لَهُمۡ شُعَيۡبٌ أَلَا تَتَّقُونَ

ترجمہ معنییاد کرو جبکہ شعیبؑ نے ان سے کہا تھا "کیا تم ڈرتے نہیں؟

إِنِّي لَكُمۡ رَسُولٌ أَمِينࣱ‏

ترجمہ معنیمیں تمہارے لیے ایک امانت دار رسول ہوں

فَٱتَّقُواْ ٱللَّهَ وَأَطِيعُونِ

ترجمہ معنیلہٰذا تم اللہ سے ڈرو اور میری اطاعت کرو

وَمَآ أَسۡـَٔلُكُمۡ عَلَيۡهِ مِنۡ أَجۡرٍۖ إِنۡ أَجۡرِيَ إِلَّا عَلَىٰ رَبِّ ٱلۡعَٰلَمِينَ

ترجمہ معنیمیں اس کام پر تم سے کسی اجر کا طالب نہیں ہوں میرا اجر تو رب العالمین کے ذمہ ہے

۞أَوۡفُواْ ٱلۡكَيۡلَ وَلَا تَكُونُواْ مِنَ ٱلۡمُخۡسِرِينَ

ترجمہ معنیپیمانے ٹھیک بھرو اور کسی کو گھاٹا نہ دو

وَزِنُواْ بِٱلۡقِسۡطَاسِ ٱلۡمُسۡتَقِيمِ

ترجمہ معنیصحیح ترازو سے تولو

وَلَا تَبۡخَسُواْ ٱلنَّاسَ أَشۡيَآءَهُمۡ وَلَا تَعۡثَوۡاْ فِي ٱلۡأَرۡضِ مُفۡسِدِينَ

ترجمہ معنیاور لوگوں کو ان کی چیزیں کم نہ دو زمین میں فساد نہ پھیلاتے پھرو

وَٱتَّقُواْ ٱلَّذِي خَلَقَكُمۡ وَٱلۡجِبِلَّةَ ٱلۡأَوَّلِينَ

ترجمہ معنیاور اُس ذات کا خوف کرو جس نے تمہیں اور گزشتہ نسلوں کو پیدا کیا ہے

قَالُوٓاْ إِنَّمَآ أَنتَ مِنَ ٱلۡمُسَحَّرِينَ

ترجمہ معنیانہوں نے کہا "تو محض ایک سحرزدہ آدمی ہے

وَمَآ أَنتَ إِلَّا بَشَرࣱ مِّثۡلُنَا وَإِن نَّظُنُّكَ لَمِنَ ٱلۡكَٰذِبِينَ

ترجمہ معنیاور تو کچھ نہیں مگر ایک انسان ہم ہی جیسا، اور ہم تو تجھے بالکل جھوٹا سمجھتے ہیں

فَأَسۡقِطۡ عَلَيۡنَا كِسَفࣰ ا مِّنَ ٱلسَّمَآءِ إِن كُنتَ مِنَ ٱلصَّٰدِقِينَ

ترجمہ معنیاگر تو سچا ہے تو ہم پر آسمان کا کوئی ٹکڑا گرا دے

قَالَ رَبِّيٓ أَعۡلَمُ بِمَا تَعۡمَلُونَ

ترجمہ معنیشعیبؑ نے کہا "میرا رب جانتا ہے جو کچھ تم کر رہے ہو

فَكَذَّبُوهُ فَأَخَذَهُمۡ عَذَابُ يَوۡمِ ٱلظُّلَّةِۚ إِنَّهُۥ كَانَ عَذَابَ يَوۡمٍ عَظِيمٍ

ترجمہ معنیانہوں نے اسے جھٹلا دیا، آخرکار چھتری والے دن کا عذاب ان پر آ گیا، اور وہ بڑے ہی خوفناک دن کا عذاب تھا

إِنَّ فِي ذَٰلِكَ لَأٓيَةࣰۖ وَمَا كَانَ أَكۡثَرُهُم مُّؤۡمِنِينَ

ترجمہ معنییقیناً اس میں ایک نشانی ہے، مگر ان میں سے اکثر لوگ ماننے والے نہیں

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

ترجمہ معنیاور حقیقت یہ ہے کہ تیرا رب زبردست بھی ہے اور رحیم بھی

وَإِنَّهُۥ لَتَنزِيلُ رَبِّ ٱلۡعَٰلَمِينَ

ترجمہ معنییہ رب العالمین کی نازل کردہ چیز ہے

نَزَلَ بِهِ ٱلرُّوحُ ٱلۡأَمِينُ

ترجمہ معنیاسے لے کر تیرے دل پر امانت دار روح اتری ہے

عَلَىٰ قَلۡبِكَ لِتَكُونَ مِنَ ٱلۡمُنذِرِينَ

ترجمہ معنیتاکہ تو اُن لوگوں میں شامل ہو جو (خدا کی طرف سے خلق خدا کو) متنبّہ کرنے والے ہیں

بِلِسَانٍ عَرَبِيࣲّ مُّبِينࣲ‏

ترجمہ معنیصاف صاف عربی زبان میں

وَإِنَّهُۥ لَفِي زُبُرِ ٱلۡأَوَّلِينَ

ترجمہ معنیاور اگلے لوگوں کی کتابوں میں بھی یہ موجود ہے

أَوَلَمۡ يَكُن لَّهُمۡ ءَايَةً أَن يَعۡلَمَهُۥ عُلَمَٰٓؤُاْ بَنِيٓ إِسۡرَٰٓءِيلَ

ترجمہ معنیکیا اِن (اہلِ مکہ) کے لیے یہ کوئی نشانی نہیں ہے کہ اِسے علماء بنی اسرائیل جانتے ہیں؟

وَلَوۡ نَزَّلۡنَٰهُ عَلَىٰ بَعۡضِ ٱلۡأَعۡجَمِينَ

ترجمہ معنی(لیکن اِن کی ہٹ دھرمی کا حال یہ ہے کہ) اگر اہم اسے کسی عجمی پر بھی نازل کر دیتے

فَقَرَأَهُۥ عَلَيۡهِم مَّا كَانُواْ بِهِۦ مُؤۡمِنِينَ

ترجمہ معنیاور یہ (فصیح عربی کلام) وہ ان کو پڑھ کر سناتا تب بھی یہ مان کر نہ دیتے

كَذَٰلِكَ سَلَكۡنَٰهُ فِي قُلُوبِ ٱلۡمُجۡرِمِينَ

ترجمہ معنیاِسی طرح ہم نے اس (ذکر) کو مجرموں کے دلوں میں گزارا ہے

لَا يُؤۡمِنُونَ بِهِۦ حَتَّىٰ يَرَوُاْ ٱلۡعَذَابَ ٱلۡأَلِيمَ

ترجمہ معنیوہ اس پر ایمان نہیں لاتے جب تک عذاب الیم نہ دیکھ لیں

فَيَأۡتِيَهُم بَغۡتَةࣰ وَهُمۡ لَا يَشۡعُرُونَ

ترجمہ معنیپھر جب وہ بے خبری میں ان پر آ پڑتا ہے

فَيَقُولُواْ هَلۡ نَحۡنُ مُنظَرُونَ

ترجمہ معنیاُس وقت وہ کہتے ہیں "کہ “کیا اب ہمیں کچھ مُہلت مِل سکتی ہے؟

أَفَبِعَذَابِنَا يَسۡتَعۡجِلُونَ

ترجمہ معنیتو کیا یہ لوگ ہمارے عذاب کے لیے جلدی مچا رہے ہیں؟

أَفَرَءَيۡتَ إِن مَّتَّعۡنَٰهُمۡ سِنِينَ

ترجمہ معنیتم نے کچھ غور کیا، اگر ہم انہیں برسوں تک عیش کرنے کی مُہلت بھی دے دیں

ثُمَّ جَآءَهُم مَّا كَانُواْ يُوعَدُونَ

ترجمہ معنیاور پھر وہی چیز ان پر آ جائے جس سے انہیں ڈرایا جا رہا ہے

مَآ أَغۡنَىٰ عَنۡهُم مَّا كَانُواْ يُمَتَّعُونَ

ترجمہ معنیتو وہ سامانِ زیست جو ان کو ملا ہوا ہے اِن کے کس کام آئے گا؟

وَمَآ أَهۡلَكۡنَا مِن قَرۡيَةٍ إِلَّا لَهَا مُنذِرُونَ

ترجمہ معنی(دیکھو) ہم نے کبھی کسی بستی کو اِس کے بغیر ہلاک نہیں کیا کہ اُس کے لیے خبردار کرنے والے حق نصیحت ادا کرنے کو موجود تھے

ذِكۡرَىٰ وَمَا كُنَّا ظَٰلِمِينَ

ترجمہ معنیاور ہم ظالم نہ تھے

وَمَا تَنَزَّلَتۡ بِهِ ٱلشَّيَٰطِينُ

ترجمہ معنیاِس (کتاب مبین) کو شیاطین لے کر نہیں اترے ہیں

وَمَا يَنۢبَغِي لَهُمۡ وَمَا يَسۡتَطِيعُونَ

ترجمہ معنینہ یہ کام ان کو سجتا ہے، اور نہ وہ ایسا کر ہی سکتے ہیں

إِنَّهُمۡ عَنِ ٱلسَّمۡعِ لَمَعۡزُولُونَ

ترجمہ معنیوہ تو اس کی سماعت تک سے دُور رکھے گئے ہیں

فَلَا تَدۡعُ مَعَ ٱللَّهِ إِلَٰهًا ءَاخَرَ فَتَكُونَ مِنَ ٱلۡمُعَذَّبِينَ

ترجمہ معنیپس اے محمدؐ، اللہ کے ساتھ کسی دُوسرے معبُود کو نہ پکارو، ورنہ تم بھی سزا پانے والوں میں شامل ہو جاؤ گے

وَأَنذِرۡ عَشِيرَتَكَ ٱلۡأَقۡرَبِينَ

ترجمہ معنیاپنے قریب ترین رشتہ داروں کو ڈراؤ

وَٱخۡفِضۡ جَنَاحَكَ لِمَنِ ٱتَّبَعَكَ مِنَ ٱلۡمُؤۡمِنِينَ

ترجمہ معنیاور ایمان لانے والوں میں سے جو لوگ تمہاری پیروی اختیار کریں ان کے ساتھ تواضع سے پیش آؤ

فَإِنۡ عَصَوۡكَ فَقُلۡ إِنِّي بَرِيٓءࣱ مِّمَّا تَعۡمَلُونَ

ترجمہ معنیلیکن اگر وہ تمہاری نافرمانی کریں تو ان سے کہو کہ جو کچھ تم کرتے ہو اس سے میں بری الذ مہ ہوں

وَتَوَكَّلۡ عَلَى ٱلۡعَزِيزِ ٱلرَّحِيمِ

ترجمہ معنیاور اُس زبردست اور رحیم پر توکل کرو

ٱلَّذِي يَرَىٰكَ حِينَ تَقُومُ

ترجمہ معنیجو تمہیں اس وقت دیکھ رہا ہوتا ہے جب تم اٹھتے ہو

وَتَقَلُّبَكَ فِي ٱلسَّٰجِدِينَ

ترجمہ معنیاور سجدہ گزار لوگوں میں تمہاری نقل و حرکت پر نگاہ رکھتا ہے

إِنَّهُۥ هُوَ ٱلسَّمِيعُ ٱلۡعَلِيمُ

ترجمہ معنیوہ سب کچھ سننے اور جاننے والا ہے

هَلۡ أُنَبِّئُكُمۡ عَلَىٰ مَن تَنَزَّلُ ٱلشَّيَٰطِينُ

ترجمہ معنیلوگو، کیا میں تمہیں بتاؤں کہ شیاطین کس پر اُترا کرتے ہیں؟

تَنَزَّلُ عَلَىٰ كُلِّ أَفَّاكٍ أَثِيمࣲ‏

ترجمہ معنیوہ ہر جعل ساز بدکار پر اُترا کرتے ہیں

يُلۡقُونَ ٱلسَّمۡعَ وَأَكۡثَرُهُمۡ كَٰذِبُونَ

ترجمہ معنیسُنی سُنائی باتیں کانوں میں پھونکتے ہیں، اور ان میں سے اکثر جھوٹے ہوتے ہیں

وَٱلشُّعَرَآءُ يَتَّبِعُهُمُ ٱلۡغَاوُۥنَ

ترجمہ معنیرہے شعراء، تو ان کے پیچھے بہکے ہوئے لوگ چلا کرتے ہیں

أَلَمۡ تَرَ أَنَّهُمۡ فِي كُلِّ وَادࣲ يَهِيمُونَ

ترجمہ معنیکیا تم دیکھتے نہیں ہو کہ وہ ہر وادی میں بھٹکتے ہیں

وَأَنَّهُمۡ يَقُولُونَ مَا لَا يَفۡعَلُونَ

ترجمہ معنیاور ایسی باتیں کہتے ہیں جو کرتے نہیں

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَذَكَرُواْ ٱللَّهَ كَثِيرࣰ ا وَٱنتَصَرُواْ مِنۢ بَعۡدِ مَا ظُلِمُواْۗ وَسَيَعۡلَمُ ٱلَّذِينَ ظَلَمُوٓاْ أَيَّ مُنقَلَبࣲ يَنقَلِبُونَ

ترجمہ معنیبجز اُن لوگوں کے جو ایمان لائے اور جنہوں نے نیک عمل کیے اور اللہ کو کثرت سے یاد کیا اور جب ان پر ظلم کیا گیا تو صرف بدلہ لے لیا، اور ظلم کرنے والوں کو عنقریب معلوم ہو جائے گا کہ وہ کس انجام سے دوچار ہوتے ہیں